Eda Zari konkurron në festivalin e xhazit - Muzika Shqiptare

Artistja shqiptare konkurron në festivalin e xhazit në Lugano

Eda Zari, muzikë shqiptare në Itali

Lugano nuk është vetëm çokollatë dhe orë zvicerane, art dhe arkitekturë moderne. Aty zhvillohet edhe festivali i xhazit 2006, edicioni i tij i 28-të.
Një thirrje për të gjithë muzikantët nga të katër anët e botës, për të shijuar atmosferën e mbushur me ritme të nxehta. Por një festival, që i shkon përshtat Eda Zarit, këngëtares shqiptare që jeton në Gjermani prej vitesh. Artistja do të ndodhet aty për të parën herë në këtë festival, që edicioni i tij i radhës fillon prej 30 qershorit deri më 8 korrik. Programi në këtë festival do të jetë mjaft i pasur nga bota e muzikës xhaz e deri te roku klasik, që është menduar të sjellë një atmosferë të mbushur me ritme të nxehta dhe emocione të vazhdueshme. Këngëtarja shqiptare Eda Zari do të performojë në të pjesë të ndryshme të muzikës, xhaz, në datën 6 korrik, e shoqëruar në piano nga Hans Lüdemann, Rhani Krija në tarabukë, Krishan Frese në bass, Dany Schröteller, Vladimir Gica, klarinetë), Sebastian Studnicky dhe Momo. Sipas informacioneve në uebsitin e festivalit dhe vetë këngëtares, kjo garë artistike e xhazit do të organizohet në “Piazza della Riforma”. Festivali, sipas të dhënave, do të jetë “Open Air” i lirë dhe pa bileta për të gjithë të dashuruarit pas këtij lloj arti. Do të nisë çdo ditë në orën 20:15. Mes shumë të tjerëve në këtë festival marrin pjesë edhe kameruni Richard Bona, basisti e këngëtari, kitaristi i “Boston Mike Stern”, braziliani, Jorge Ben Jor, autor i shumë hiteve të njohura dhe Eddie Palmieri, portorikani i çmendur 70-vjeçar. Përveç këngëtares shqiptare, Eda Zari, mitit Al Jarreau, që merr pjesë për herë të parë në festival, është edhe Aëilo Longomba, artisti kongolez i njohur për performancën afrikane momentalisht. Për muzikën soul dhe bop takimi do të jetë të premten, më 7 korrik, me Randy Brecker, Bill Evans, Soulbop Band 2006. Vetëm pak kohë më parë, një e përditshme gjermane në një artikull kushtuar artistes shqiptare do të shkruante; këngëtarja e mirënjohur Eda Zari (me vendbanim në Düsseldorf) me performancat e saj i dhuron publikut vendas një prize të mrekullueshëm të stilit dhe muzikës shqiptare nga ku është dhe me prejardhje. Zari rrjedh nga dinastia muzikale e familjes Lela nga Përmeti, një nga grupet me reprezentative të folklorit dhe polifonisë shqiptare. Konsiderohet një nga artistet me të shkëlqyera, misioni i së cilës është gërshetimi i muzikës moderne bazuar në tabanin e muzikës polifonike shqiptare”. Festivali do të transmetohet në televizione kombëtare “Sëiss Broadcasting”, ”RTSI”, dhe “TV Italian SRG”, “SSR”.

Kortezi e Panorama