KU JANË!?... - Muzika Shqiptare

Ku janë bjeshkët e Valbonës?
Ku asht shpellë e Dragobisë!’
Ku je Fatime Sokoli?
Ti bylbyli i Shqiptarisë!

vazhdon...

Më dogj malli për 9 malet!
Bukurinë e kangës dibrane!
Ku asht zani i Liri Rashës?
Ku ta gjej sot kangën tande?

Kush ma sjell kangën vlonjate?
“Vajzën e Valëve” nga bregdeti!?
Ku janë nuset dropullite
Ku janë isot nga Përmeti!?

“Qysh e len qingji kopenë!”
Shkurte Fejza pran ma solli!
Sa shumë malli më ka djegë
Për atë kangën “Mic Sokoli”

Mijra kangë në gjoks mi uli
Motra Shyhrete Behluli!
qindra kangë me palc- barot
Dave Gjergji më solli sot.

Drane Gega e malsisë
Merrja prap ti çiftelisë
“Mbushe rrugën more zambak!
Ky kurbet veç lot e gjak!

Ku je sot Naile Hoxha!?
Ku je shpirti i kangës shkodrane!?
Eja Luçije Miloti
Më qetso me kangën tande!

Ku ti gjej prap dy mbretneshat?
Vaçe Zela e Pagarushë!?
Kangën me gjith shpirt e desha
Kangë e mallë zemra m’asht mbushë!

Autori: Agim Doçi